Министерот за надворешни работи на Русија, Сергеј Лавров, рече дека Москва, од 1 ноември, како одговор на укинувањето на акредитациите за осум соработници на руската мисија во Алијансата, ја прекинува работата на својата постојана мисија во НАТО, како и на главниот воен претставник.

Покрај тоа, Лавров посочи дека, од 1 ноември, Русија ќе ја прекине работата на воената мисија на НАТО во Русија, а акредитациите на претставниците на Алијансата ќе бидат укинати.

Исто така, прекината е и работата на Информативното биро на НАТО, кое беше формирано во белгиската амбасада.

Лавров, нагласи дека во иднина Алијансата ќе треба да се обраќа до рускиот амбасадор во Белгија и тоа ќе биде единствениот начин за НАТО да стапи во контакт со Москва.